قمة اللقافه ( الغثاثه)

قمة اللقافه

قمة اللقافه اذا كنت قاعد تتكلم بالتيلفون وجنبك واحد من اصحابك ولما تسكر التيلفون يقولك منو هذا وشنو السالفه....ياااااااااخي انت شكوووو


قمة اللقافه اذا كنت طالع انت مع خويك وواحد كل شوي ايدق عليكم ها وين بتروحون وين بتعشون.....خووووو مانبغاك معانه بعد ليش اللزقه


قمة اللقافه اذا كنتوا مسوين جو دراسي بالبيت ويتصل عليكم احد من الاهل ويقول ترى بنتعشى اليوم عندكم مع الجهال....عزت الله اخترب الجو


قمة اللقافه اذا انت جاي تبي تشبك بالنت ومتحمس تبي تشوف منو عندك بالمسنجر ويجيك واحد من اصحابك يقولك ابي اشيك على ايميلي....ياااااعمري طيييير


قمة اللقافه اذا كنت راجع من الدوام حدك زهقان من الحر والزحمة وتلاقي نسيبك صافط تحت المضله مالتك..شفيييييييه بونسب


قمة اللقافه اذا كنت قاعد بالحمام وانتوا بكرامه ومريح على الاخر واييك واحد ويطفي عليك الليت ويمشي


قمة اللقافه اذا كنت شاري شغله ومستانس فيها واجيك واحد ملقوف يكسر مجاديفك يقولك يااااااه في ارخص منها عاد قصوا عليك......عفيه من طلب رايك


قمة اللقافه اذا كنت ماسك المسباح مالك وقاعد تسبح فيه وايجيك واحد ملقوووووف ويسحبه من ايدك ويقولك يااااااااه بلاستك عبالي كهرب.....مالت عليك زين


قمة اللقافه اذا قلت حق الربع منو يبي عشا ترى بنطلب وواحد يقول لالا انا شبعان ولما يوصل العشا يتليقف ويقعد يطقطق بالبطاط مالكم....يعني مستحي الاخ
احم (ااااااااااااااااااااا لله يدكره بلخير دا الرجال )هههههههههههههههههههه

قمة اللقافه اذا قعد واحد بروحه بالدوانيه يقعد يتعبث بالستلايت لين يعفسه على بو انه بيسوي خير وبيعدل المحطات



قمة اللقافه اذا تعرفتوا على عائله بالسفر وكل يوم الا يبون يطلعون معاكم وكل ما شريتوا شي شروا مثلكم....اي مو فجوا شوي عن الناس


قمة اللقافه اذا واحد من الاهل كل ما يشوفك يسألك ها فلان متى التخرج وجم معدلك.....بس عاد شقيتني

اذا كنت قاعد بالدوانيه وواحد من الربع ملقوف ياخذ تيلفونك من غير ما يستأذن يبي يشوف الصور والمسجات


قمة اللقافه اذا بنات واقفين بالاشاره وواحد كل شوي يقدم سيارته الا يبي يشوف اوجيهم وووطراخ لين يدعم السياره اللي قدامه
هههههههههههههههههههه مارحنى بعيد عن داك الرجال هههههه

قمة اللقافه اذا صار حادث بالشارع الثاني والشارع اللي انت فيه واقف مايتحرك كله عشان يشوفون شنو صاير

قمة اللقافه اذا قاعدين تبنون بيتكم والناس كل شوي ها ليلحين ما سكنتوا....اي ياخي وشعليكم بتسكنو ويانى


قمة اللقافه اذا نزل فلم قوي بالسينما وحدك متحمس عشان تشوفه وايجيك واحد ملقوف ويقولك ترى الفلم كيت وكيت والبطل يموت اخر شي.....اعتقد بالفلم بس تنطر متى يموت البطل


قمة اللقافه اذا كنت تبي تسوي مشروع ومخطط عليه وقلت الفكره حق واحد من الربع ويروح اهوا ويسويه قبلك


قمة اللقافه اذا كنت شاري سياره ويسألك واحد هاااااا يافلان شريتها كاش ولا اقساط.......انا اقول لي شريت انت كاش انا اشتري مالت عليك


قمة اللقافه اذا تبي تقول سالفه ويقاطعك واحد ملقوف بالدوانيه ويقول السالفه بدالك....تحس ان حالك وحال التكية واحد


قمة اللقافه اذا كنت قاعد تقرا الجريده ومنهمك فيها وتبي تقلب الصفحه ولا اللي جنبك يقولك صبر صبر قاعد اقرا لا تقلب.....اي مو صار لها ساعه مقطوطه ماقريتها الحين صارت حلوه


قمة اللقافه اذا كنت نايم وحد الاحلام السعيده وايجيك واحد ويحط كلينكس بخشمك او اذونك.....اعتقد بتسبه سبه قويه بقلبك خخخخخ وساعات تطلع على السانك


قمة اللقافه اذا كنت انت ويا واحد طالبين عشا وقاعدين تاكلون ويدش عليكم واحد وتقولوه تفضل والاخ مايصدق خبر ويتفضل صج.....خوووووو مجامله يا الحبييييييييب


قمة اللقافه اذا قاعد بالدوانيه تلعب بلوت ويقعد وراك واحد ملقوف ويغث عيشتك لاتلعب جذي وقط جذي


قمة اللقافه اذا كنتوا قاعدين شله بقهوه وقبالكم واحد قاعد بروحه وقاط اذونه على سوالفكم ولي قلتوا سالفه تضحك قام يتبوسم جنه مايدري.....صج قوات عين





قمة اللقافه اذا عندكم عرس وتدق عليكم وحده تصير لكم من بعيد تقول ابي بطايق زياده .....حمدي ربك عازمينش بعد


قمة اللقافه اذا كل ما تشتري شي ايجيك واحد من اصحابك يسالك من وين شارينه ويروح يشتري نفسه




قمة اللقافه اذا قاعده مع شباب وواحد ما يدخن وكل شوي قايلك عطني زقاره....شغل ما ادخن الا خفيف وفي المناسبات








قمة اللقافه اذا غطا البنزين مال سيارتك خربان ومتبطل تعال شوف عاد مليون واحد يدق لك هرن ويأشرلك على الغطا انه مبطل....اي مو درينا عااااااد


قمة اللقافه اذا كان عندكم عزيمه في بيتكم وعندكم جاره ملقوفه تقوم تتصل عليكم وتقول عسى ماشر شعندكم.......اوووووووووووف ودي ابط راسها


قمة اللقافه اذا فتحت محل والله وفقك وجالك واحد ملقوف يسألك كم اجارك وعسى موفي اجارك وجم اجار العمال.......اي قول بصكك بعين وفكني


قمة اللقافه اذا كنت داق على احد تلفون وفجأة انقطع الاتصال بينكم وكل واحد يقعد يدق على الثاني ويطلعله مشغول.....اي انتطر ياخي اللي داق اهوا اللي بيدق عليك

ههههههههههههه فعلا حلوة شكرا كتير

مشكورين على المرور
وعلى فكره ابن عمي من زمان ما تنزل مواضيع ليش ؟

ههههههههههههههههههه والله كل كلمة صح من كلامك